Almenn umsókn hjá 66°NORÐUR


Hefur þú áhuga á að starfa hjá framsæknu fyrirtæki með sterka arfleið og skýra framtíðarsýn? Þá hvetjum við þig til að sækja um starf hjá 66°NORÐUR.

Sjóklæðagerðin hf. er eitt elsta framleiðslufyrirtæki Íslands. Árið 1926 hóf fyrirtækið framleiðslu á sérstökum hlífðarfatnaði fyrir sjómenn og fiskverkunarfólk á norðurslóðum en seinna bættist við vörulínu fyrirtækisins vinnufatnaður fyrir fólk í landi. Rætur fyrirtækisins liggja því í framleiðslu sjó- og vinnufatnaðar og er fyrirtækið afar stolt af þeirri arfleifð sinni. Í dag er hönnun og framleiðsla útivistarfatnaðar kjarninn í starfsemi fyrirtækisins sem framleiddur er undir vörumerkinu 66°NORÐUR en fyrirtækið leggur mikið upp úr gæðum vörunnar þar sem eingöngu eru notuð bestu fáanlegu efnin í framleiðsluna.

Í dag starfa rúmlega 300 manns hjá Sjóklæðagerðinni og fást vörur fyrirtækisins í yfir 500 verslunum í 15 löndum. Á Íslandi rekur Sjóklæðagerðin 9 verslanir undir vörumerkinu 66°NORÐUR. Fyrsta verslun 66°NORÐUR erlendis var síðan opnuð í Kaupmannahöfn síðla árs 2014.  Þar fyrir utan rekur fyrirtækið fimm verslanir undir vörumerkjum Rammagerðarinnar. Tvær verslanir í Flugstöð Leifs Eiríkssonar og svo verslanir í Bankastræti, Skólavörðustíg og Akureyri. Auk þess er hægt að nálgast 66°NORÐUR vörur í verslunum víðs vegar um landið.

Haldið er utan um allar umsóknir sem berast. Það er því mikilvægt að umsóknareyðublaðið sé fyllt út eins vel og kostur er. Mælt er með því að þú setjir einnig inn ferilskrá sem viðhengi. Öllum umsóknum um auglýst störf er svarað þegar ráðningum er lokið. Almennum umsóknum er ekki svarað sérstaklega.

Umsóknir eru geymdar í 6 mánuði, en eftir þann tíma er þeim eytt. Kjósir þú að umsókn verði eytt innan þess tíma skal senda tölvupóst á 66north@66north.is.

Allar umsóknir eru meðhöndlaðar sem trúnaðarmál.